ཨུ་རུ་སུའི་མེ་ཤུགས་འཕུར་མདེལ་གྱིས་མི་བཅུ་གཉིས་རྐྱེན་ལམ་དུ་ཤོར།

ཉེ་ཆར་ཨུ་རུ་སུས་ཡུ་ཁེ་རེན་ལ་མེ་ཤུགས་འཕུར་མདའ་དང་མི་མེད་གནམ་གྲུ་འཇབ་རྒོལ་བྱས་པ་དེས་ཞི་བའི་མི་སེར་མང་པོ་ཤི་རྨས་དང་རྨང་གཞིའི་སྒྲིག་བཀོད་ལ་གྱོང་གུན་ཕོག་ཡོད། གནས་ཚུལ་སྤེལ་བར་གཞིགས་ན་ཉུང་མཐར་ཡང་མི་བཅུ་གཉིས་རྐྱེན་ལམ་དུ་ཤོར་བའི་ཁྲོད་བྱིས་པ་གཅིག་དང་མི་མང་པོ་ཞིག་ལ་རྨས་ཕོག་ཟེར། འཇབ་རྒོལ་དོན་རྐྱེན་དེ་དག་གིས་སྡོད་ཁང་དང་སྣུམ་ཁུངས་རྨང་གཞིའི་སྒྲིག་བཀོད་ལ་དམིགས་ནས་གཏོར་བརླག་ཆེན་པོ་བཟོས་ཡོད།

ཡུ་ཁེ་རེན་གྱི་དབུས་གྲོང་ཁྱེར་པོལ་ཊ་ཝ་གྲོང་ཁྱེར་དུ་སྡོད་ཁང་ཞིག་ལ་མེ་ཤུགས་འཕུར་མདའ་བརྒྱབ་ནས་མི་བརྒྱད་རྐྱེན་ལམ་དུ་ཤོར་བ་དང་། མི་༡༧ལ་རྨས་སྐྱོན་ཕོག་ཡོད། དེ་མིན་ཁང་པ་༡༨དང་། བྱང་ཤར་གྲོང་ཁྱེར་ཁཱར་ཀིབ་གྲོང་ཁྱེར་དུ་མི་མེད་གནམ་གྲུའི་འཇབ་རྒོལ་དོན་རྐྱེན་བྱུང་ནས་བུད་མེད་གཅིག་རྐྱེན་ལམ་དུ་ཤོར་བ་དང་མི་བཞི་ལ་རྨས་སྐྱོན་ཕོག་ཡོད། དེ་མིན་འཇབ་རྒོལ་བྱེད་སྐབས་སུ་ས་ཁུལ་གྱི་གྲོང་རྡལ་ཞིག་ལ་སྐོར་གཡེང་བྱེད་སྐབས་ཉེན་རྟོག་པ་གསུམ་བསད་ཡོད།

ཡུ་ཁེ་རེན་གྱི་མཁའ་དམག་གིས་གནས་ཚུལ་སྤེལ་བར་གཞིགས་ན། འཇབ་རྒོལ་བྱེད་སྐབས་ཨུ་རུ་སུས་མི་མེད་གནམ་གྲུ་༡༢༣དང་འཕུར་མདའ་༤༠ལྷག་བཏང་ཡོད། ཡུ་ཁེ་རེན་གྱི་དམག་དཔུང་གིས་མི་མེད་གནམ་གྲུ་༥༦གཏོར་བརླག་གཏོང་ཐུབ་པ་དང་༦༡ལ་ཁ་ཕྱོགས་བསྒྱུར་ཐུབ་ཡོད་ཀྱང་།

འཇབ་རྒོལ་དེ་དག་གིས་ཡུ་ཁེ་རེན་གྱི་ཞི་བའི་མི་སེར་དང་རྨང་གཞིའི་སྒྲིག་བཀོད་ལ་ཤུགས་རྐྱེན་ཚབས་ཆེན་བཟོས་པ་དང་ད་ལྟའི་འཁྲུག་རྩོད་དེ་གསལ་སྟོན་བྱེད་ཀྱི་ཡོད། རྒྱལ་སྤྱིའི་སྤྱི་ཚོགས་ཀྱིས་མུ་མཐུད་དུ་གནས་ཚུལ་ལ་དོ་སྣང་ནན་མོ་བྱེད་བཞིན་ཡོད་ལ་མི་མང་པོ་ཞིག་གིས་དྲག་ཤུགས་མཚམས་འཇོག་དང་འཁྲུག་རྩོད་ཞི་བའི་སྒོ་ནས་ཐག་གཅོད་བྱེད་དགོས་པའི་འབོད་སྐུལ་བྱེད་ཀྱི་ཡོད།