བོད་དོན་ལས་འགུལ་བ་གཉིས་ཀྱིས་ཇི་ནི་ཝ་ནས་ཛུ་རིག་བར་ཞི་བའི་གོམ་བགྲོད་འགོ་འཛུགས།

བོད་དོན་ལས་འགུལ་བ་གཉིས་ཀྱིས་ཇི་ནི་ཝ་ནས་ཛུ་རིག་བར་ཞི་བའི་གོམ་བགྲོད་འགོ་འཛུགས།

བོད་མིའི་རང་དབང་དོན་གཉེར་བ་གཉིས་ཀྱིས་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་ནས་སུད་སིའི་གྲོང་ཁྱེར་ཛུ་རིག་ (Zurich) བར་བོད་དོན་ཞི་བའི་གོམ་བགྲོད་ལས་འགུལ་ཞིག་འགོ་འཛུགས་གནང་ཡོད་པ་དང་། ཚེ་བརྟན་དཔལ་བར་ (Kanté) གྱིས་གོ་སྒྲིག་བྱས་པའི་གོམ་བགྲོད་དེ་ཕྱི་ལོ་ ༢༠༢༦ ཟླ་ ༡༠ ཚེས་ ༣ ནས་ ༡༦ བར་སྤྱི་ལེ་ ༢༥༠ ཙམ་བསྐྱོད་རྒྱུའི་འཆར་གཞི་ཡོད།

གོམ་བགྲོད་འདིས་རང་དབང་དང་ཆེ་མཐོང་དང་བྱམས་བརྩེ་གོང་མཐོར་གཏོང་བ་དང་ཆབས་ཅིག མི་མང་གིས་བོད་དོན་འཐབ་རྩོད་ཀྱི་གོ་རྟོགས་གོང་མཐོར་གཏོང་གི་ཡོད། དེའི་དགོས་འདུན་ཁག་ནི་པཎ་ཆེན་རིན་པོ་ཆེ་དང་བོད་ཀྱི་ཆབ་སྲིད་བཙོན་པ་རྣམས་གློད་གྲོལ་གཏོང་རྒྱུ་དང་བོད་ནང་བཙན་ཤེད་ཀྱིས་སློབ་གྲྭའི་ནང་སྡོད་གནས་མཚམས་འཇོག་བྱ་རྒྱུ་དང་བོད་ཀྱི་རིག་གཞུང་དང་འགྲོ་བ་མིའི་ཐོབ་ཐང་སྲུང་སྐྱོབ་བྱ་རྒྱུ་བཅས་ཡིན།

འགྲུལ་བཞུད་འདིས་ཕྱི་ལོ་ ༢༠༢༦ ཟླ་ ༧ ཚེས་ ༢ ཉིན་ནེའུ་ཡོག་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཕྱི་རོལ་དུ་རང་ལུས་མེར་སྲེག་བཏང་སྟེ་སྐུ་གཤེགས་པའི་བློ་དགའ་རང་བཟང་ལགས་ཀྱི་དྲན་གསོ་དང་རང་ལུས་མེར་སྲེག་བརྒྱུད་ནས་འདས་གྲོངས་སུ་གྱུར་བའི་བོད་མི་གཞན་རྣམས་ལ་དྲན་གསོ་ཡང་ཞུ་རྒྱུ་ཡིན།

གོ་སྒྲིག་པ་ཚོས་འཛམ་གླིང་ཡོངས་ཀྱི་མི་མང་ལ་རང་དབང་དང་ཆེ་མཐོང་ལ་རྒྱབ་སྐྱོར་བྱེད་དགོས་པའི་འབོད་སྐུལ་ཞུས་ཡོད།